香港新浪網 MySinaBlog
« 上一篇 | 下一篇 »
↖天煞疤臉孤星↗ | 3rd Feb 2013, 16:51 PM | ※13時事新聞1 | (40 Reads)

【記者蔡朗清、譚靜雯報道】踏入新一年,食肆掀加風,繼麥當勞、大家樂及美心等多間大型連鎖快餐店加價後,去年底上巿的翠華餐廳前日起全線加價,平均加幅約3%。但有心水清的熟客踢爆翠華個別食品加幅遠超平均價,早餐由28元加至30元,加幅7%;在早餐時段售賣的奶油豬更由8元加至10元,幅度達25%。

被質疑上市後整靚盤數
長期光顧翠華的熟客JJ表示,過去三個月每日均到翠華食早餐,前日光顧翠華,赫然發現翠華全線食品加價,但未有貼出通告通知客人,「我一向食開嘅早餐A、早餐B嘅套餐,由原本賣28元,加到30元,加幅約7%,常餐原本約30多元,𠵱家加至40元。

最谷氣係早餐時段原本奶油豬最抵食,賣8元,𠵱家加至10元,加幅達25%,加幅咁大唔合理。」他說人工加幅追不及餐飲的加幅,打工仔負擔極重,「上巿後冇幾耐就加價,梗係想整靚盤數」。翠華周五收市價3.2元。

記者昨到翠華銅鑼灣的分店視察,發現已換上加價後的新餐牌,如菠蘿油餐已經由24元加至25元。有員工透露,因為食材價格上升,平均每樣食品都要加最少1至2元。

在銅鑼灣工作的張小姐稱,翠華加價後會選擇到其他餐廳用膳,或自攜飯盒上班,「加價覺得貴咗,食一餐lunch加埋嘢飲要60、70蚊都算貴,會去第二度食」。她又稱,由於在銅鑼灣區工作,每日午餐開支很大,「其他區食個飯可能只要30、40蚊,但喺銅鑼灣要成40、50蚊,好無奈」。

翠華稱因食材租金上升
翠華發言人回覆本報查詢表示,由於食材租金等持續上升,只好調整餐飲價格,平均加幅約3%。香港現代管理飲食專業協會會長胡珠表示,餐飲業加價受各種因素影響,包括業主加租、加人工,「連清潔劑都加價」,單是食材價格已經按年增加近10%。

「食材價錢好飄忽,但有升無跌,好似啲牛肉一年加六次價。香港餐廳啲食物主要靠入口,好被動,食物成本呢幾年漲咗好多,好攞命」。他又稱,餐廳唯一的出路就是將加幅轉嫁給消費者,他旗下大約30間中式酒樓農曆新年後都要加價約2%至3%,「呢啲加唔到多,慢慢矮仔上樓梯等市民接受,你一下加5%就走鬼晒,咁你就慘啦,即刻就死亡」。

食客意見
鍾小姐
【繼續幫襯】
「最鍾意翠華奶茶,其實價錢都偏貴㗎!不過佢有嘅係質素都會繼續幫襯。」

張小姐
【改往別處】
「加價覺得貴咗,食一餐lunch加埋嘢飲要60、70蚊都算貴,會去第二度食。」

翠華加價 奶油豬$10個勁升25%

[1]

超!$60、70元的冷廚點會食唔起呀?單身貴族食個冷廚百幾元都係咁啦,同低下階層比?比條毛你啦!

*特別係呢個鍾小姐【繼續幫襯】,你真係好樣衰囉!

↖天煞疤臉孤星↗
[引用] | 作者 ↖天煞疤臉孤星↗ | 3rd Feb 2013 16:58 PM | [舉報垃圾留言]